البارت الثالث عشر

وطبعـا مثل مانتوا عارفين صارت الخطبه نوف علي خير واجى وقت المجله ...

اليوم الملجه اقعدت نوف الصبح راحت حق الصالون وكانت بأخر وناستها ومثل ماتعرفون كل بنت تتمنى هاليوم والفرحه كانت فى بيت ابو مطلق ماتنـــــــوصف الله يتمم عليهم بالخيــر ..

نوف : تدرين خلود اليوم شعورى غير
خلود : الله يتمم عليج كل بنت فى هالحزه يكون شعورها بفرحه ..
نوف : انشالله يطلع شكلى حلو هذه اهم شيء
خلود : انتى حلوه ماشالله عليج ماله داعي المكياج ..
نوف : تعرفين بعد لالازم وتضحك ..وبقلبها تفكر بفواز درا وله لا

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
وكان بيت ام سالم دروا في علاقه فواز بنوف وكان الكل مرتبك وخايف شنو بيصير بفواز اذا درا انه نوف ملجت .. اهما ماقالوا له قالوا علي مشاعره لانه حيل حساس والرجل يختلف عن المره اذا حب يحب بجنون ومستحيل ينسي ..

عايشه: تدرين المها انا خايفه شنو بيكون موقف فواز اذا عرف انه نوف ملج ..
المها: والله انا اكثر منج احاتى الله يستر بس
عايشه:الله يسهل الأمور والله ماسكه قلبي بإيدي ..
المها:خلى الأمور تصير بروحها لا تقولين لا ولا شيء الله يهديها نوف هذه موقف تسوينه بأخووى ..
عايشه: اهوه نصيب وخيره لهم يمكن ربج ماكتب .. والله يوفقها ..طبعا مو طالعه من قلبها .. بس شتسوي .. هذه اللى صار

خلينا نروح حق الصاله امى قاعده بروحها ..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
عايشه والمها : هلا يمه اشفيج متضايقه عسي ماشر
ام سالم: انتم تدرون اليوم ملجه نوف وانا خايفه علي وليدي يمكن يصير فيه شيء وانتم تعرفون فواز وايد متسرع ويمكن يسوي اى شيء مايرضي خواله ومهما كان هذول اخوانى ..

عايشه: يمه انتى ذبحتينا بطبيه قلبج وحبج لخـوانج احنا اندرى انه بنت خالى غلطانه بس بنسكتت مانبى نزيد النار كثر ما اهى شابه بقلوبناااااااااا ...

سالم : صج اليوم ملجه نوف ..
ام سالم : اى يمه الله يستر بس ..

طبعا فواز وايد علاقه مع راشد ولد خاله واهوه اللى متصل عليه وقايل له انه اليوم ملجه نوف ....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
اتصل فواز علي امه ..

فواز : يمه قوليلى صج اليوم ملجه نوف
ام سالم: يمه افهمنى هذه نصيب والبنت راحت بعد ماينفع شيء
فواز : يمه انتى قولى اى وله لالا تحرقين قلبي كثر ماهو محروق
ام سالم : يمه فواز لا تقول جذي وتعذبنى
فواز: ليــــــــــش الخاينه تسوي فينى جذي تبيعنى علي واحد ...... انا قلبي كان حاس انه بيصير شيء ياليت ربي مسوي فينى شيء ولا سامع هالخبر ...
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
وسكر الخط بويهه ام سالم
وتمت ام سالم وبناتها يحاتون فواز وبلى صار فيه ...

ــــــــــــــــــــــــــــــــــــــــــــــــــ ــــــــــــــــــــــــ
وطبعا فواز علي طول اتصل علي عذبي
فواز: والدمعه فى عيونه عذبي ضرورى تجى انا بالبحر وناطرك
عذبي: فيك شيء
فواز: انت تعال وانا بقولك السالفه كلها..
عذبي : انشالله انا جاي

وتمت فواز بالبحر يبجى ويتذكر كلام نوف له وحبها اللى اوهمته حق فواز فيه .. وبالنهايه طلع كله حجى وخرابيط ...

ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
اجى عذبي حق فواز وشاف وايد حززين ويبجي
عذبي: اشفيك فواز عسي ماشر اشفيك جذي خوفتنى
فواز: شفت الخاينه يا عذبي شسوت فينى اليوم ملجتها
عذبي:ليكون نوف تزوجت
فواز:لا تسميها نوف قول عنها الخاينه اللى حرقت قلبي وحطمتنى ياليت ماسمعت خبر زواجها .. والله لذبحها واذبحه وافتك منهم
عذبي: انت اشفيك جذي تقول هد نفسك ومهما كان لا تتضايق والبنت الوحده تجى وراها ألف بنت ..
فواز : انا لازم اسافر ابيك تروح معاي للخارج ..
عذبي:انشالله والحين نروح نحجز ..
ــــــــــــــــــــــــــــــــــــــــــــــــــ ــــــــــــــــــــــــــــــــــــ
وتم يخربط ويشرب بس عشان ينساها وينسي الحب اللى اوهمته فيه بس ماقدر كل خطوه يتذكرها او شيء يسويه يذكرها ...

وكانت حاله ام سالم حاله تحاتى ولدها اللى الله يعلم بحالته

البارت الرابع عشر



ومرت الايام والشهور وصارت سنة




وصار خبر اللي فرح قلووووووووووووب هالعايله كلهاااا انه ابو سالم اقتنع وخله ام سالم وعيالها يزرون الكويت بس مايطولون بالاجازه لمده شهر بس

والكل مستعد لهذا اليووووم للقاء الاحبه من 18 سنه مااشافو بعض بس في بعض اخوانها ام سالم وامها اجولها بحرين بس
وطبعا فرحه ام سالم وعيالها لان موداخلين لكويت من هم صغار توهم مولدين عيال ام سالم فخذاهم ابو سالم وعيشهم بالبحرين وحرم عليهم السفر لكويت لسبب ظروف ومايحب اهل ام سالم بكويت

<<< والله يابنات صادقه من 18 سنه موشايفه ام سالم ديرتها ولا نص اهلها وقرايبها والله الشاهد علي


سافرو في يوم الجمعه في تاريخ 30 – 5 – 2008 وساعه 3 الفجر والكل موجود ومجتمع في البيت العود وينتظرون وصول ام سالم وعيالهاااااااااا

<< والله يابنات تاريخ صحيح ومظبوط وبنفس ساعه وبنفس اليووووم

وصارت الفرحه بقلوب الكل كبير وصغير واجتمعت العايله البنات مع البنات والصبيان مع الصبيان والكل اجتمع بصاله الكبيره مشاءلله الله يحفظهم يااااااااااااااااارب ويفرح قلوبهم <<< دعوتي من كل قلبي

واللي يطالع الحبيبه واللي يطالع الخطيبه واللي اطالع اللي مايبيهاااا وهذي اشكال وانواع من قصص الحب في هالعايله

وطبعا كل يوم مجتمعين ع غدا او عشه والحمدالله الفرحه شامله الكل


اهني نبتدي في تقريبا نهايات هالعيال والبنات وكل منه اشلون اللي صار معاه وفي هذي الجيه لكويت بينت اشياء واااااااااايد حق هالعيال والبنات من قصص هالحب والعلاقات

البارت الخامس عشر


ابتدي في كل شخص وشصار معاه بختصار

عايشه واحمد.. ع نفس وضهم كل من يحمل الحب بقلبه بس احمد من شاف عايشه تعلق فيها اكثر وقال لازم املج عليها عشان اقدر اكلمها لاني اهي رافضه تكلمني ولازم ملجه فحاول ع ابوه انه يكلم عمته ام سالم
وام سالم الله يحفظها ارفضت نهايئا تسوي الملجه الحين عشان ماتبي تخرب ع بنتها ودراستها وقالت لين تخلص دراسه مره وحده ملجه وزواج ولاتحاتي يابو مطلق ماراح اعطيها لااي احد غير احمد صدقني وكلمت ام سالم احمد بنفسها وقالت والله انه عايشه لك ولاتحاتي
وتضايق احمد حيل عشان يبي بس يكلمها ويدري انها تحبه بس موقادره تسوي شي ولاتقدرتكلمه وعارف هالشي ويفتخر فيها لان الريال يحب البنت ثقيله
ولاتشوفون حال عايشه انهارت حيييل عشان امها ارفضت الملجه واهي تتمنى هاليوم عشان تكلم احمد بس اصبرت وتحملت وسوت نفسها عاديه جدام البنات والاهل


منيره وسالم .. منيره وايد تعذبت بفراق سالم ومن اجى وشافته استخفت اكثر بس مابيدها حيله وحاولت مع البنات انه يخطبونها مره ثانيه لعلى وعسى ترضى امها بس ماكو فايده وانتهت علاقتها معاه واقطعت الامل من اسمعت خبر انه يدورون حرمه حق سالم وتضايقت وبجت البجي ولحد درى بحالها ورحم فيها وصارت ضحيه حب ع فاااضي وراح عمرها خساره ع الايام اللي بنتها بالحب من طرف وااااحد

خالد والغلا.. صارت بينهم نظراااات الحب والاعجاب بس كل من محترم نفسه وعارف اتجاه الثاني بالنسبه له
وسعت في الموضوع عايشه وكلمت امها انها تخطب الغلا لخالد وشوفو بعدين هل تمت الخطبه ع خير ام لا



وشوفووووووووو اللي صااار راااشد والمهاااااااا

المها : الووو
راشد : هلاوغلا يالله طلعي بررره بالحديقه انا قاعد ابي اشووفج
المها : مووقته ياراشد وانا قاعده اكلمك من تلفون خالتي جواهر ومستعجله بس بقولك موضوع مهم
راشد : هلا امري شنو خوفتيني
المها : راشد صراحه في ناس اهني من اهل امي يبوني ويبون يخطبووون فأنت لازم تكلم اهلك عشان يكلمون امي ويكون عندها خبر
راشد ومتوهق: صراااحه مهووي عطيني فرصه اشويه بس لان قاعده احاول ع امي وامي موراااضيه شسوي معاها
المها : يؤؤؤ ياراشد وبعدين معاك وشلون الحيييين وامي راضيه في هذول الناس
راشد ويرقع بالموقف ويحاول يضيعها : حبيبتي المها صدقيني مالج شغل انا باخذج غصب ع الكل بس صبري عليه اشويه وامممممممممم بقيت منج طلب عاد لاترديني
المها : امر شنو بقيت
راشد : انا الحين بجي المطبخ وحاولي تجين ابي اشوووووفج وابي اكلمج مايصير جذي كله ع تلفووون
المها ومن نوع خجوله وايد وماترضى : لارااااااااااشد من صجك مستحيل ماقدر اجي ولااقدر اكلمك واواجهك واذا شافنا احد شنو اقوووووووول
راشد : يؤؤؤ انتي شفيج انا ماطلبت منج شي صعب وانتي كله لا لا وبعدين معاج
وصكر الخط بويها وخله تلفووونه صامت ومايرد عليهاااااا

ظلت المها تصيح وتبجي واجو عندها عايشه والغلا ويهدونها والغلا اعرفت بالموضوع واستغربت وظلت مع عايشه يهدون في المها ويقولون لها مايستاهلج ولو يبيج كان اخطبج من اول يوم عرفتيه
ومشكله هالعاااايله اي خبر يصير ينتشر بسرررعه واحد يعرف عن ثاني واحد يعلم عن ثاني
وخبر راشد والمها انتشر عند الكل انه لها علاقه معاها بس ماخطبها ولحد الحين موعارفين سبب مقنع من راشد عشان مايبيها وكله يتعذر في امه بس الواضح لنا يحبها وايد بس ليش موراضي يخطبهاااااااا
وعقلت المها وابتعدت عنه وقالت لو يبيني صج يضحي بكل شي حتى لو امه ويخطبني بس للاسف


وحال فواااز لله والكل عارف وضعه وعرفو انه يحب نوف ونوف خانته والدليل كل مارن تلفون فواز تطلع اغنيه ( تخيل بعد هالعشره طويله يجي غيري وياخذك مني بسهوله دام انك بعت الايام الجميله ... ولأخير ماعرفها هههه )
طبعا نوف وضعها الحين بس ملجه وللحين ماتزوجت واهي عقلها صغير اشوي
من شافت فواز وتذكرت الماضي واسمعت الاغنيه اللي يحطها حست بالذنب واعرفت من المها وعايشه باللي صار فواز من درى انها ملجت واهي انهارت وقالت انا غلطانه واعترف بس لاتلوموني لان اهو ماخطبني ولاعطاني امل اني يبيني ع زواج بس خذت رقمه وارجعت له من جديد وصارت تكلمه بس فواز كانت نيته غير الحين وقال لازم اسوي فيها شي مثل ماحرقت قلبي وخلتني وراحت حق غيري واهي ماتدري بهالشي ع بالها انه لحد الحين يبيها ويحبها

بس خواته انصحوه ولايسوي شي علشان ماتصير مشاكل وحتى خالته جوااااهر كلمته وفهمته وقالت ختولي ماتستاهلك واشوي اشوي يالله اقتنع معنى حتى شوفه شافته وكلمته بروحه نوف لانها جريئه واايد وبقى يسوي فيها شي بس مسك نفسه وتذكر خاله وهذا عرضه مايقدر وتعوذ من شيطان وتركهااااااا ولحد الحين تتصل فيه وتسأل عليه بس شلفايده اخسرت فواز واخسرت حبه الكبيرررر واهو للحين حالف مايتزوج ولايحب وحده

البارت السادس عشر

غلا كانت قاعده فى غرفتها وحبت تسوي جوو وتطلع عن جو الأمتحااااانات والأكتئااااب .. اممممم بتصل علي بنات عمى منيره ودلال ونوف ...
وانزل تحت حق المها وعايشه .. ونتجمع ..
انزلت تحت وشافت عمتها الجوهره بالصاله ..
عمتهم الجوهره : أشفيج تتحلطمين تتصلين فى منو بعد ..

الغـلا : اتصل بالبنات يجونا بعد المغرب نبى نستانس ونغير جو ملينااااااا من هالروتين ..

عمتهم الجوهره : زين ماتسووين علي بالي من مساع من زمان ماتجمعنا ويه بعض وانا بعد بتصل بالشباب بعد ونتجمع كلنا ..

الغـلا : صج عمتى حلوو هذه الحل السليم (تضحك)

عمتهم الجوهره :قولى من مساع تبين الحلويـن ترا أنا فاهمتكم وعارفه

الغــلا :بروح الغرفه ألبس علي مايجون البنات .. تضيع الموضوع

طبعا اجا حزت المغرب واجو البنات الغلا :انزلت سلمت وراحت حق المها وعايشه بغرفته عمتها الجوهره ها خلصتوا ترا البنات موجودين بالصاله يلا تعالوا ..
اوكى جايين ..



الـغـلا:شرايكم نطلع بالحديقه اليوم الجو عجيب ..

منيره:ياريت عشان أشوف حبي القديم..
الغـلا: تدرين عاد الحبيب اليوم مواعدنا ياخذنا البحـر ويونسناااا حياج ويانا ...
وتموا يضحكون ..

طبعا اطلعوا للحديقه وكانوا البنات قاعدين فى صوب والشباب فى صوب وكل واحد يفكر بالثانى ويطالع له ..

عايشه:شرايكم أسوي لكم مسابقه ..
البنات كلهم صج يلا..

الغلا:كانت تفكر وسرحانه ..وسمعت فهد يناديها ..

فهد:أشفيج اليوم شكلج متضايقه ..

الغـلا:لامافينى شيء أفكر بالأمتحانات واحاتيهم
فهد:الله يسهل الامور أنشالله ويوفقج أنزين انا ابي اكلمج فى موضوع من زمان بس موعارف شلون أبطله وياج وانتي سامعه عنه قبل بس اهو قديم واحب اذكرج فيه وتسعين في موضوعي

الغلا: أشفيك ياخوي قول امرنى ..

فهد:بصراحه انا احب واهوه مستحى يقولها لانه حيل خجوول ..

الغـلا:معقوله تحب مو مصدقه .. أنزين منو سعيده الحظ اللى بتاخذك ..

فهد : انتى تتطنزين ..

الغـلا: تضحك

فهد:بصراحـه .. بصراحـه ..
الغلا: اى قول اشفيك ..
فهـد:انا احب المها وخاطرى فيها من زمان وأبيها علي نيه زواج هالبنيه وايد اعجبتنى فى اخلاقها واسلوبها واحسها غير عن البنات فيها شيء ينادر يمييزها ..

الغـلا:كانت تقول فى قلبها إن راشد يبيها بس شلون تقوله اسكـت ..

فهد: اشفيج ساكته

الغـلا:لا افكر سبحان الله شلون اخترت المها

علي العموم انشالله انا بكلمها وبشووف ويصير خير..

أرجعت الغلا ويه البنات ..
دلال :اشفيه فهد اليوم يبيج وطولتى وياه ..

الغلا: لا مافي شيء بس موضوع بينى وبينه .. وطالعت حق المها ..

المها استغربت وحست فى شيء لانه من اول نظرات فهد توضح انه فى داخله شيء لها ..

عايشـه:بنات شرايكم ندخل البيت ملينا ..
نوف :اى احسن يلا..
ادخلوا البيت وتموا يسولفون ويضحكون ...

وراحوا البنات حق بيتهم ..

كانت الغلا فى غرفتها ودخل عليها فهد ..

فهد:ها بشري شسويتي ..

الغلا:بصراحه ماكلمتها مافي مجال .. واهى بداخلها شلون افاتحها بالموضوع ..

فهد : شدعوه كل هالوقت وتقولين مافي مجال ..

الغلا: تحمل إنشالله باجر أقول لها وعدد..

فهد:أؤؤ انطر لى باجر وايد ..

الغـلا:قلت باجر خلالاص يله بنام ..

فهد:اوكى لاتعصبين وترفعين خشمج يلا باي ..

الغلا تمت تفكر شلون تبطل الموضوع ويه المها وتقول لها


..ويمكن تقول لا لانه للحين تحب راشد مو بسهوله تنساه ..بس حرام فهد شنو ذنبه وايد يحبها ويبيها ..

انزلت الغلا الصبح تحت وشافت المها وعايشه..

عايشه : هلا والله تو نور المكان بحبيبتي

الغلا : منور فى وجودج اشتقت لج تصدقين من زمان عنج
ويضحكون ..

المها:احم احم نحنوا هنا ..

الغلا :اى عاد انتى الغاااااليه ..انزين المها بقيتج فى شيء ممكن شويه ..

عايشه:يعنى اطلع هااااا قولى جذي وخلاص

الغلا:انتى اصلا ماتطلعين احنا إلآ نطلع انتى تامرين بس

عايشه:لا اضحك اصلا انا بروح حق خالتى تبينى من مساع طرشت علي ..

الغلا : اوكى روحى ..

المها:خير اشفيج الغلا خوفتينى ..
الغلا: لا ماكوا إلا كل الخير ..
بصراحه انا ابى افاتحج فى موضوع بس ابيج تحسبينى نفس عايشه ولا تستحين منى ..

المها:اكيد انتى نفس عايشه واكثر ..

الغـلا: بصراحه وبدون مقدمات انا كلمنى فهد عنج ومن زمان اهوه يبيج ويحبج وتدرين عنه انتي.. بس قبل لاتتكلمين وتقولين شيء .. ترا اهوه يدرى عن علاقتج فى راشد ومو هامه شيء يقول عادي اهم شيء انى اعرف اخلاقها وطيبتها وانا حبيتها ومستحيل اتركها لغيري ..

المها:انتى فاجئتينى وصدمتينى موعارفه شنو اقول ..

الغلا: لا تقولين الحين شيء فكرى عدل لأنه الموضوع يحتاج تفكير وبذكرج فى نقطه مهمه .. انتى تدرين أنه الوالده تختلف عن ام راشد وانتى لج الراي بالأول والأخير ..

المها:انا عارفه ماله داعى تقولى لاكن الله كريم ..

وراحوا ويه عايشه والجوهره وتموا يسولفون لاكن عايشه حست بالحيره بعيون المها وقالت اكيد فيها شيء ...

طبعا عايشه ماتحملت حبت تعرف السالفه ...

وصدفه اجوا البنات منيره ورتاج ونوف ..

الغلآ وعايشه والمها: هلا والله بنات شنو هالمفاجئه الحلوه ..

منيره : يلا تكفون بخاطرى ارقص .. منيره تموت علي الرقص والفرفشه .. شرايكم انا ارقص والغلا تغنى . وانتم تشجعون .. وتموا يضحكون

نوف: اقتراح حلو يلالا ..
وتموا يضحكون ويسولفون ويغنون ..

عايشه : المها تعالي أبيج ..
المها:هلا أشفيج ..
عايشه : بقيتج شوي ..
المها : اوكي
امرى شنو بقيتى ..
عايشه: شنو تبي فيج الغلا مساااع شقالت لج حسيت فيج الحيره وكنتى مو طبيعيه ..

المها:بصراحـه .. قالت لى فهد يحبج ويبيج وانا قلت لها مدرى ..

عايشه :صج هذه احلى خبر سمعته حتى امى بتفرح وتستانس لانه تعز فهد وتحترمه علي طول قولى اى ..واهم شيء اخته الغلا..واحسن من الزفت هذااا راااشد اللي مايستاهلج

المها:صج يعنى تنصحينى فيه ..
عايشه : اكيد وبدون تردد..

البارت السابع عشر

مازالت الاوضاع مثل ماهي في كويت ومرت الايام وصارلهم شهر وحان موعد سفرهم

من بعد رجوووع ام سالم وعيالها لديرتهم البحرين وكان اصعب اللحظات لحظه الوداع وماهان عليهم الفراااق ..
وهذا اللي صار حق العيال والبنات

اخطبت ام سالم من بعد رجعتها لولدها خالد الغلا بنت اخوها ابو فهد بس للاسف ابو فهد وام فهد مارضو علشان مايقدرون يفارقون بنتهم اللي تعتبر وحيده وتروح تعيش في دوله ثانيه اللي اهي البحرين وكان في خاطرها الغلا انه تاخذ خالد لان مثل شخصيتها ولايق عليها وخاالد وايد تحطم ويأيس وكره حتى خاله ابوفهد لان خالد وايد انعجب في الغلا بس الحمدالله ماصارت بينهم علاقه حب بس اعجاااااااااب لكن للاسف كل واحد بطريقه الحين من بعد رفض ابو فهد لخااالد ع بنته الغلا

والمها وراشد انتهت العلاقه طبعا والمها لحد الحين تفكر بموضوع فهد وتحاول تقنع نفسها وترضى بالواقع اللي صار لها من رااااااااشد عطته الحب والاخلااص والتضحيه وبالاخير ماشافت منه لاحب ولا وفا وعيشها ع الفاااضي

ومنيره المسكينه سمعت بخبر زواج سالم عن قريب وتحطمت ووماقدرت تصبر ومن بعد فتره تعرفت ع واااحد غريب وتحاول تنسى حب سالم اللي عاشت ايام مراهقتها وحبت هذا الغريب وصارت العلاقه

وفواز ونوف منتهيه علاقتهم مع بعض ونوف قريب يصير العرس وفواز تأقلم ع الوضع وعنده عادي ونساها ولحد الحين ماحب غيرها ولافكر بغيرها

وعايشه واحمد سنين تروح وتجي وناس تحب وتخون وتجرح وتسافر وترجع وحب عايشه واحمد مايتغير لان بدأ ع الوفا وع الاحتراااام وعسى الله يجمعهم يااارب عن قررررريب يارب بزواج صالح
والحين عايشه خلصت ثانويه وبالجامعه ولحد الحين محاولات ابو مطلق ع ام سالم في زواج وملجه احمد وعايشه بس للاسف موراضيه ام سالم عشان تبي تفرح بنتها بدراستها ولان ابو سالم بعد موراضي بس طبعا ماله كلمه ولايدخل في شؤؤن بنات ام سالم علشان مارباهم ولامسؤؤل عنهم
وحبهم كل يوم عن يوم يكبر والشوق ذابحهم هالفراااق وبينهم مراسلات الغلا او بين فتره او فتره تكلمه وتسلم عليه وبس


ودارت هالسنين وع هالوضع وطبعا علاقه البنات دلال ومنيره مو نفس قبل مع بنات عمتهم لان انقطعو عنهم وحتى نوووف موايد معاهم صاارت
بس علاقه الغلا لحد الحين متواصله مع المها وعايشه

وفي هذي الايام بسنه 2009 صار هذا الخبر الجديد اللي صدم المها والغلا ومنيره وفهد ولا احد من هذول راضي باللي صار وشوفو شنو صااااااااااار

البارت الثامن عشر

مرت الأيااااام والكل راح فى طريجه بس القلب موجود والذكرى لازات فى بالهم ...

كانت الغلا فى غرفتها وسمعت ابوها يتكلم بالتلفون ..

ابو الغلا: انشالله يصير خير انا بكلم فهد واذا اقتنع خير علي خير ..

قالت الغلا فى قلبها اكيد فى شيء صاير لازم اعرفه ..
بعدين انا من زمان ما اتصلت علي منيره بشوف شنو اخر اخبارها ماشالله عليها ماتخلص من السوالف ..

الغلا: اتصلت .. الووو هلا منيره شلونج
منيره:الحمدلله تمام انتى شلونج وشمسويه ..
الغلا:انا بخير
منيره:ليش ماتبركين لى ..
الغلا:علي شنو ابارك. عسي خير
منيره:انخطبت
الغلا:صج علي البركه هذه اسعد خبر سمعته انزين حق منو
منيره:علي اللى كنت احبه واكلمه
الغلا:صجج ...!
منيره:الغلا انا شوي واكلمج راشد يبينى ..بتصل عليج رنه وانتى اتصلي
الغلا:اوكي الله معاج

وتمت الغلا تفكر بخطبه منيره وقالت اكيد مساع عمى ابو راشد كلم ابوي عشان ان كان يبى منيره حق اخوانى او لا
واتصل التلفون رنه من منيره ..
الغلا:هلا منيره
منيره:هلا الغلا امى تبى تكملج
الغلا:شنو تبى
منيره:تبيج
الغلا:هلا عمتى شلونج
ام راشد:هلا الغلا شمسويه
الغلا:ماكوا بهالدنيا صج مبروكه علي خطوبه منيره الله يوفقها ويسعدها ويكتب لها الصالح انشالله
ام راشد:يبارك فيج انا بقولج علي شيء
الغلا:امرينى
ام راشد:عمج ابو راشد يقول لازم نخطب الغلا حق راشد ومنيره حق فهد ونخلص الموضوع .. بس انا موراضيه ولا ابيج له ولا ابى منيره حق فهد واذا رضيتى علي راشد ترا تتحملين اللى يجيج لانه احنا مانحب بعض وبتكون بينا كلا مشاكل ..وانتى شرايج براشد
الغلا:عقب الكلام اللى سمعته من ام راشد قالت لها طبعا لا ما ابيه ...
وصكروا الخط ..
وتمت الغلا تحاتى الموضوع وشلون تقنع ابوها انه ماتبى راشد واهى قبل فتره كانت رافضه مطلق والكل يتحجى فيها وابوها رفض خالد واهى ترفض راشد بتصير مشكله ...

راحت الغلا وقالت حق امها انه اتصلت ام راشد وجذي قالت لى .. قالت ولا يهمج ولا تحاتين انا اكلمج ابوج واقوله له انه ام راشد اتصلت وجذي قالت اهى المره لا تبينا ولا شيء..


اجى ابو فهد بليل وكلم ام فهد انا اخوى اليوم كلمنى وطلب منى الغلا حق راشد ومنيره حق فهد ونخلص الموضوع اعيالنا ماشالله كبروا ولازم يتزوجون وناخذ منا فينا ..واذا مارضت الغلا انا بجبرها غصبن عليها ..

ام فهد كانت بحيره ومجبوره تقول حق ابو فهد عن ام راشد لانه ماتبى تظلم بنتها ولدها عند وحده ماتبيهم وبتعذبهم ..
قالت له يابوفهد بصراحه اليوم اتصلت ام راشد وكلمت الغلا وقالت لها انا مابيج ولا اولدي يبيج استغرب ابو فهد وعصب قال شلون تتجرأ وتتصل علي الغلا وجذي تقول لها ...

وانا لازم اتصل علي اخوي واقوله عشان اذا رفضت يعرف السبب انه من زوجته ...

ابو فهد: اتصل علي ابو راشد .. الوووو
ابوراشد:هلا اخوي
ابوفهد:بصراحه انا ابى اكلمج في شيء انا ما ابى اخذ بنتك ولا اعطيك الغلا والموضوع انتهى
ابوراشد:مستغرب انزين ليش فهمنى
ابو فهد: اتصلت علينا ام فهد وقالت حق الغلا انى ما بيج ولا ترضيين .
ابو راشد:لا مستحيل ام راشد ماتسويها بس الظاهر الغلا ماتبى راشد وقعدت تسوي مشاكل
ابو فهد :لا تقول جذي عن بنتى انا قلت لك زوجتك اللى اتصلت وقالت حق البنيه جذي
ابوراشد:لا انتم تسوون سوالف عشان ماتبون عيالى

وصارت مشكله بينهم وبين العايله كلها علي موضوع الغلا ام راشد والكل جذب الغلا واتهمها انها جذابه عشان تتعذر وماتبى راشد ..

وللحين انتهى الموضوع وكل واحد راااااااح فى حاله ..
والغلا خايفه يرجع موضوع خطبه راشد لانه بتوافق غصبن عنها ماتبى تحرج ابوها وبترضي وتتحمل لخاطر ابوها ..

البارت التاسع عشر والاخيـــــــــــر

وهذا اللي صار يابنات في هالعايله ومن قصص الحب لهذي البنات والصبيان

حاليا ،،،، وفي هذي الاياااااااااام

عايشه مازالت في وضعها وماتزوجت احمد تنتظر موافقه امها وان شاءلله عن قرررريب ويتزوجووون واهي الحين في وظيفه ومقدمة اوراقها ع الجامعة انتساب

ومنيره لحد الحين علاقتها من الغريب وخطبها بس مارضى ابوها علشان وضعه مو مناسب بالنسبه لهم

ونوف بعد كم شهر ويصير العرس

المها اكرهت هسوالف وماتفكر الا بالشغل ودور ع وظيفه وتنتظر ولد الحلال اللي يجي من الباب

الغلا يأست من هالزمن ومن هالبشر وتنتظر الرد من الكليه عشان يقبلونها وتتمنى الغريب يجي يخطبها علشان ترتاح وتفتك من هالعايله

سالم تزوج وحده بحرينيه من ديرته وحامل زوجته الحين

خالد حصل وحده بحرينيه وراح يتزوجها بس للحين بعده طبعا من بعد فتره وكان يحاول ع ابو الغلا بس للاسف مارضى نهائيا وعشان جذي انقطع عنده الامل ويبي يتزوج لان ام سالم قالت خلاص ابي افرح فيكم

فواز للحين واهو طايش ولاتزوج ولااشتغل وبعده

راشد لحد الحين مثل وضع فواز بس قعد يكمل دراسته مسائي ومايندرى عنه بياخذ المها ولا الغلا بس للعلم اثنينهم منتهي الموضوع معاهم

فهد اشتغل ولحد الحين ماسوى خطبه رسميه حق المها ومايندرى عنه بس مشكلته بارد وهادي وااايد

واكبروا الصغار وصارو بعمر المراهقه واشوي اشوي اتصير العلاقاات بس مابي اقولكم شي اخاف ماتصدقوني وتقولون عني اكذب وخياليه بس واااااااااالله يابنات بكل شي قلته صادقه ويمكن في ظروف اكبر ماقدرت اشرحها لكم حق هالعايله
وقلت لكم عن هالبنات والصبيان اللي بالبدايه كلوحده مع واحد وبالاخير ولاوحده كملت العلاقه اللي بخيانه واللي بدون سبب واللى انجرحت وانتم شفتو اللي صار بس الحمدالله مازالت علاقه احمد وعايشه وعسى الله يجمعهم عن قريب يااااااااااااارب


وعسى الله يجمع عايله ام سالم مع اهلها بكوووووووووووويت يااااارب
واكثر شي اللي الحين يتحطمون ويبون هالجمعه بس المها وعايشه وغزلان علشان يتجمعون مع خوالهم
اما اخوانهم كل من شاف طريقه
وام سالم تعودت ع هالوضع وصار عندها عادي وتهم بعيالها وفرحانه فيهم وفي بنتها هيفاااء




واتمنى دعواتكم بس والله والله صادقه بكل شي وحقيقيه فعلاااااااااا

يسلموو على القصة الرووعة


تحياتي...احساس طفلة

منورة خيوو ^^
تحياتي ,, بحرانية وللجلف عدوانية