خلود:وبعدها وش صار
ماجد:آآآآآآآآخ صار الي مو على الحسبان
ماجد:بيوم من الايام رحت للبيت
و لينا عند الشباك تطالع الشارع ودموعها تنزل وبعدها ركضت علشان تمسك يد حاتم
انا كنت اسمعهم وانا داخل للبيت بعد يوم واحد من الاعتراف
لينا:انا احبك حاتم
حاتم:حتى انا ياقلبي امووووت فيك
وانا رجعت ورحت للسياره واخذت المسدس ورحت لحاتم حاتم قام وهو يشوفني معصب وعرف اني بسوي جريمه
حاتم":وش تسوي انت لا لا
واطلق الرصاصه على راسه من غير تفاهم

لينا كانت بالمطبخ وسمعت الصراخ وصوت الطلق الناري وجت تركض ويطيح منها كاس المويا الي كانت تشربه
لينا:وش سويت لااااااااااااا موته يالغبي (وتروح لحاتم وهي تصيح)حاتم قوم قوم
وتجي لعندي انت مجنون كيف تموت حاتم من غير سبب ليييييييييه ليييييييييييييييه انت غبي ياغبي انا اكرهك
ومن غير مافكر اضرب الرصاصه الثانيه على بطن لينا وهي تلومني وتقول اكرهك وطاحت على الارض
ماجد (يصيح ويمسح دموعه بيدينه بطريقه هستيريه):بعدها انهديت رحت عندها لا انتي ماراح تموتين والله مو قصدي
اذبحك انا احبك يالينا احبك بس ماقدر اخليك لغيري مأقدر
لينا تبتسم:وحتى انا احبك احبك الى الابد وحتى انا في قبري اعشقك
ماجد:لا انتي ماتموتين انتي ناسيه كلامك لي ان عشنا عشنا معآ وان متنا تقاسمنا الكفن
لينا:اذا تحبني عيش حياتك وانساني وتراي راح ازعل عليك اذا انتحرت وسامح حاتم تراه برئ وتسقط يدها المعانقه يدي ماجد
ماجد:لااااااااااااااااااااااااااااااااااااا (يصيح ماجد بقوه)
خلود تبكي معه وخافت وعطفت كثيرررررررررر على حال ماجد العاشق الهايم في حب لينا:ابجيب كاس مويا بس وين الماء
ماجد قام مثل المقروص:انا اجيب بس اهم شئ راحتك ياقلبي
خلود تبكي تكلم روحها:آآآآآآآآآآآآآآآآآآخ ياماجد انا اكرهك لانك ذبحت اخوي واكرهك لانك فرقت بيني وبين عبدالله واكرهك
لانك تزوجتني بالغصب لكني مادري ليه صرت اغار من لينا
ماجد جاب كاس الماء:تفضلي
خلود:انت شربت
ماجد:يحرم على الشرب قبلك
خلود:لا كيف انت اشرب انا كنت ناويه اجيبه لك
ماجد:يابعد قلبي
خلود:لو سمحت لاتتغزل فيني
ماجد:انتي زوجتي اللحين
خلود:وش يضمن لي اني زوجتك
ماجد:شوفي اصبعك وحبر البصمه الي عليه
خلودوهي تشوف البصمه وتاكدت:تبي تغير السالفه وبعدين وش صار للينا معليش مابي اجدد جروحك لكني ابي اعرف سر التناقض مره تحبك ومره
تكرهك
ماجد:انا اقولك كانت تعشق جزر المالديف ودايم تقول ابي اعيش انا وياك فيها مع انها عمرها ماشفاتها بس كذا حبها وبعدين

مها عايشه بحزن وبكئآبه نامت في المستشفى من شدة انهيارها (ومسكينه معذوره البيت يحترق والسياره تنفجر
واهلها يموتون قدام عينها بأبشع الصور والنيران مو هينه<<<<<<<<الله يكفينا شر النار


عبدالله وساره يهدون امهم لانها تبكي على اختها
ساره:مسكينه يامهاوي اكيد بتموت من الحزن على اهلها
ام عبدالله:مسكينه الله يصبرها جيبوها للبيت تراها بتسكن عندنا
عبدالله تضايق لكن قدر لانه يعرف ان مالها احد بالشرقيه الا هالعايله
ترررررررررررن
سعد:هلا عبدالله
عبدالله:اهلين
سعد:قريت الجرايد
عبدالله:لا وش فيه
سعد:تذكر علي الي عرفتني عليه
عبدالله بلهفه:ايه وش فيه
سعد:لقوه منتحر
عبدالله:وش تقول انت
سعد:اقرا الجرايد
عبدالله:خلاص يالله باي
عبدالله:اعوذ بالله المصايب تجي مره وحده

ماجد سرحااااااااااان يفكر:انا وين وصلت
خلود: كمل انت وصلت انك بترجع من البحرين للسعوديه
ماجد:ركبت السياره بعد مادفنتهم انا بنفسي علشان مايحققون معي ويصير لي شئ حطيتهم بشنطة السياره وبعدها
دفنتهم من غير حتى احطهم في مغسلة الموتى وانا كانت حالتي حاله من البكاء علشان مالكه عقلي وروحي ولا حاتم ماهتميت له

دفنتهم بارض قاحله ومو باين ان فيه احد ميت لاني خليتهم بمستوى الارض
وقررت ارجع للسعوديه وفتح المنظره المرايا الي فوق مقعد السايق وطاحت ورقه وشريط مسجل وقررت اني استعين بواحد
يقراها
خلود:ليه ماتعرف تقرا
ماجد مايبيها تدري:لا اعرف بس الخط مو واضح
قراها واحد:مكتوب فيها لو سمحت ياماجد اسمع الشريط كله لان فيه اعترافات خطيررره راح تخليك تندم مدى الحياه
وشكرت الرجال مع انه خاف ورحت للشريط اسمعه ويااااااااااااااااااااليتني ماسمعته ياااااااااااااليتني مت ولا سمعت وش قال
آآآآآآآآآآآآآآآآآآآآآآآآآآآخ الشريط هذا كرهني بحياتي

عبدالله يقرا الجريده ويشوف صورة علي وهو مذبوح وينهبل واختفا اختيه خلود ولينا انهبل عبدالله
:مين لينا وليه خلود اختفت اكيد هي القاتله اكيييييييييد انا لازم اسأل امي عن لينا مين تطلع



الجزء السابع//
عبدالله:ايه انا لازم اسأل ابوي وامي من تطلع لينا شئ غريب مثل حلم والله يموت علي اخ الله يرحمك يالغالي
طيب ياخلود انتي وين رحتي معقول مخطوفه ايييييييييييييييه ذكرت(رجعت ذاكرته الى قبل مده
يتذكر
علي:اووووووووف منه
عبدالله:مين الي تأفف منه
علي:اعوذبالله هذا صاحب الشركه عطاني وكاله وقالي بيع الشركه بالله عليك عمرك سمعت بشئ اسمه بيع شركه
عبدالله وهو يضحك:كيف يبيع يعني كيف قصده شكله شايب مايفهم
علي:لا عمره بالعشرينات 25 ,24 سنه مادري كم بالضبط بس تصدق انه مايعرف حتى القراءه والكتابه
عبدالله:او واواوا و مو معقول شئ مايدخل المخ والله شوقتني اني اشوفه
علي:افا عليك معي صورته بجوالي مره خليته خلفيه وخرب الجهاز
عبدالله وهو يضحك:طيب اقولك ورا شكله كذا اعوذبالله كأنه مجرم
علي:اقولك والله اني سمعت من واحد يقول انه سفاح يذبح العالم اي واحد يأذيه او يعصي له شئ على طول بالسكين(يأشر على رقبته)كذا خخخخخخخ
عبدالله:اعوذ بالله وانت ليش مصادق هالاشكال
علي:وش سوي كيف بصرف على اختي
عبدالله:طيب مادمك تقول انه مجرم وقاتل ليه ماحد بلغ عنه
علي:مو متأكد كله كلام بس هو قالي انه ذبح عمه
عبدالله:اقولك خلنا نغير السيره لانك بجد ارعبتني

عبدالله تذكر كل شئ:اكيد ماذبحه الاهو اكيييييد ماخطف خلود الاهو اكيييييييييييد بس لينا مين هي ووش تقرب

ماجد راح هو وخلود للسياره علشان يسمعها الشريط لانه احتفظ فيه وحاطه في مكان اميييييين في غرفت لينا
ماجد وعيونه تدمع:شغل الشريط وكان يتكلم حاتم ويقول ماجد ياماجد اكيد انت بتسمع هذا الشريط بعد ماتذبحني
تدري ليييييه قررت اعترف لك بكل شئ لاني عارف انك بتقتلني انا اول ماشفتك ومعك المسدس بعد ماعترفت لينا بحبها
لي قلت لازم اعترف اقولك عن طريق اي شئ بورقه قلت لا صعبه واحد يقراها لك مافيه احسن من الشريط
تذكر يوم لينا تقول ابي اروح انا وحاتم لمشوار وماتبيك تروح معنا تدري وش السبب السبب آآآآآآآخ ياماجد
كم حزنت من هالسبب الي قطع قلبي كانت تحس بتعب بأرهاق متكرر قالت لينا لي حاتم ابيك تاخذني للمستشفى
ابشوف وش فيني لينا خافت انها تكون حامل بسبب الناس الي عاشت عندهم لانهم كانوا يأجرونها اخذتها على طول للمستشفى
عملوا لها تحاليل وفحص سرريع بخلال ساعتين النتيجه تدري وشي ياماجد آآآآآآآآه النتيجه فيها الايدز
ماجد وهو يسمع يزيد بكاءه:وانا انفزعت وهي جنت لكنها قالت لي ياحاتم ابيك تخلي ماجد يكرهني الى الابد
سألتها كيف قالت ماجد اصيل بحبه ولا راح يزيل الحب الا الخيانه ابي اذا جينا للبيت اقول له اني احبك انت ياحاتم
عارضت وقلت انه راح يذبحنا قالت لاتخاف ماراح يأذيك ماجد اعرفه طيب قلبه ومستحيل يجرح احد ماتدري انك شيطان
في جسد انسان كانت تحبك تعشقك تدري انها كانت بتمثل الخيانه وبعدها تروح بعيد عني وعنك علشان ماينتقل لاحد منا المرض
آآآآآآآآآخ ياماجد اذا طلعت برا البيت دايمآ تبكي وتنتظرك من البالكونه واذا شافتك جيت تمثل الحب معي وهي بقلبها آآخ
ياماجد انا اسف انا ادري انك راح تحزن وتتعب وتنجن لكن ياخوفي تموت لينا بيدك ياخوفي
مع السلامه ياماجد واترك عنك الاجرام والقساوه
خلود تسمع وتبكي
ماجد يزيد بكائه
خلود استغربت من حالة ماجد:ماجد وش فيك
ماجد:ياليتني مت ولا ذبحت لينا هي حياتي انتي ماعشتي معها ولا كان راح تحبينها
خلود:بس انت ماعشت معها الا اسبوعين
ماجد:بس هي طيبه وكلامها واسلوبها غير والله غير ياخلود مابيك تتركيني ابد
خلود:ماقدر اعيش معك والله ماقدر
ماجد:اطلبي الى تبينه وانا راح اطيعك بس خليك معي
خلود:اذا لينا ماقدرت تغيرك كيف انا بقدر
ماجد:تغير وش
خلود:تغير حياتك الاجراميه
ماجد:بس لينا ماكانت تدري عن اجرامي ابدا
خلود:انا اول مره اشوف احد هوايته الذبح
ماجد:آآآآآآآآآآخ ياخلود انتي وش دراك عن حياتي تدرين ليه صرت قاتل سفاح تدرين ليه
خلود:ليه؟؟
ماجد:انا عشت يتيم وانا صغير عمري 6 سنين مالي لاب ولا ام وعشت عند عمي وعمي واحد قااااااااااسي بشكل
دايما يضربني ويعذبني تصدقين احرمني من المدرسه انا مابي اقولك اني ماعرف اقرا ولا اكتب بس هذي الحقيقه
خلود بدهشه:نعم ماتعرف تقرا ولاتكتب!!!!!!!!!
ماجد:للاسف ماعرف
خلود:طيب متى تحررت من عمك
ماجد:تجيلك السالفه انا تعذبت كثيررررررررر كان كل يوم يضربني بكل لحظه وبكل دقيقه تصدقين مره قالي رح
للبقاله رحت ووقفني واحد بالطريق يضربني هو وشلة اصدقاء معه ناسي وش السبب يمكن لاني صدمته من سرعتي وركضي
علشان عمي مايضربني جيت للبيت وانا خاااااااايف صحيح مابكيت يمكن لان صارت عندي مناعه من الضرب والصياح
جيت للبيت بعد تقريبا عشر دقايق عمي ماضربني ذي المره تدرين وش سوى
خلود:وش سوى؟؟
ماجد يوريها اصبعه المقطوع:شوفي هو الي قطعه
خلود شافت ووقفت مفزووووعه وخايفه وتحرك شفيفها استعداد للبكاء لانها ماتوقعته عانا كثيرر
ماجد قام لها:معليش حزنتك صح
خلود وهي تدمع عيونها:بس لانك تأخرت عشر دقايق
ماجد:لا كان يعذبني باضافري بعد
خلود:اكيد عمك مجنون
ماجد:ياليته مجنون عمي كان تاجر ومدمن للمخدرات
خلود:والله!!!!!
ماجد:علشان كذا مايدري وش الي يسويه
خلود:طيب ليه ماتعلمت تعليم متاخر
ماجد:عمر التعليم انتهى
خلود:لا التعليم ماله عمر وكيف تقدر تقرا وتكتب بكل شئ حتى الجوال بيدك كيف تعرف المتصل
ماجد:هههههههههه انا حطيت لكل واحد صورته مع الاتصال(مو هو الي سواه علي هو الي وضع لكل واحد صوره بس مايبي يحزن خلود
خلود:لا لازم تتعلم مستحيل انا اصلا ماتوقعت فيه احد بالعالم مايعرف يقرا ولا يكتب
ماجد:انتي بأي صف بالمدرسه
خلود:انا بالصف 2 ثانوي
ماجد:ماشالله حلو
خلود:لا انا فصلت سنتين بعد ماماتوا ابوي وامي
ماجد:يعني انتي مفروض بالجامعه
خلود:ايه
ماجد يتثأب:خلود يالله ننام
خلود:نعم!!!
ماجد:ليه مانتي زوجتي
خلود خافت:لا انا صغيره
ماجد:بس خلاص ملكنا
خلود:مستحيل انام معك مستحييييييييييل
ماجد:طيب ليه
خلود:روح انت نام لحالك
ماجد:اخاف تنحاشين
خلود:لاتخاف اصلا وين بروح عن اذنك ابروح اصلي الظهر
ماجد:روحي وحتى انا بصلي


سعود يناظر للجريده وانجن وش القصه كيف هي لينا واخت علي تؤام يالله انا لازم ابلغ ماجد
يدق ترررررررررررن ترررررررررن تررررررررررن لارد

خلود وهي تلبس الحجاب علشان تصلي تلقى الجوال يرن وماجد طايح بجنبه نايم على الفرشه والشمس سااطعه على وجه
ماجد

تشوف الرقم تحطه على الصامت وتروح للرسائل فارغ وتروح للأسماء تشوف صورة علي
خلود تنفجر بالصياح آآآآآآآآآآآآآخ ياعلي اللحين انت وينك اكيد ميت بس دفنوك ولا لأ آآآآآآآخ حسبي الله عليك ياماجد خلود كانت بتقومه ينام داخل لكنها خافت اخذت جواله بتردد وراحت بعيد ورى شجره من الاشجار

آآآآآآآآآآآخ كل ماحس انها انفرجت حياتي تنكرب حياتي بزياده
تروح خلود بهدؤ وتحط الجوال عنده لان سعود دق كثيررررررر وهي كانت تتمنى تدق على الشرطه على خالها
على ريم صديقتها على ساره (بس مافكرت بعبدالله
خلود صلت ودعت لاخوها بجنات النعيم لانها عارفه انه ميت ومتاكده
تنام خلود
تشوف وحده تشبه لها كثيرررررررررررررررررر نسخه منها وتنادي بصوت عالي خلوووود ياخلووووووود
اهتمي لماجد تراه وحيييييييييد وترا ماله بالدنيا الا انتي انتبهي له اماااااااااانه ياخلود امااااااااااااااااانه ماجد علييييييك
وترا القدر ماجمعنااااااااااااااا سوا لكن جمع ماااااااااااااجد فينا الثنتين


تقوم خلود مفزوعه:بسم الله اعوذ بالله هاذي مين تطلع اكييييييييييييد لينا الي تشبه لي بس ليه وصتني انا بذات لييييييييه
ووش القدر يمه انا مو فاهمه شئ اكيد هاذا كابوس

ابو عبدالله:وهاذي قصة لينا المسكينه وخطفها وعذاب اهلها
ام عبدالله:آآآآآآآآآآه من ذيك الايام كانت ايام بطيئه وكئييييييبه
عبدالله يفكر:مو معقول قصه خياليه
ساره:واااااااااااااااو بجد انا دخت من التفكيرر شئ مايصدق


في قسم الشرطه
الولد الصغير خالد وابوه محمد خالد
الشرطي:مين اخذ منك التلفون بيوم الاحد
الولد:انا ناسي مادري مين
ابو خالد:ووالله ماندري عن شئ ابي اعرف السالفه وش القصه
الشرطي:اسال ولدك مين الي اخذ التلفون منه
ابوخالد:خالد حبيبي فيه رجال اخذ منك التلفون ومغطي وجه او
قاطعه الولد:ايييييييييه رجال قالي خذ خمسين وعطني اكلم
الشرطي وقف:ايه حلو كلم مين
الولد:خذ الجوال وشف مين كلم لاني انا مامسح المكالمات الصادره
شافه الشرطي ومن حسن حظهم انه مامسح الرقم وعرفوا ان الولد برئئ هو واهله:خلاص روحوا بس احتمال نعيد القضيه
ابوخالد:مشكور يالله خلود


مها طلعت من المستشفى
عبدالله وساره وام عبدالله اخذوها (في السياره
ساره:سلامتك مهاوي
مها بحزن:الله يسلمك
ام عبدالله:الله يصبرك وترا من اليوم ورايح انا امك زين ولا تخلين شئ بقلبك قولي الي تبين
مها:مشكوره
عبدالله:عظم الله اجرك يامها
مها ماتعرف ترد وبصوت كسيرر:شكرا


خلود تتمشئ بالمزرعه وعاجبتها المزرعه بشكل وتشوف الاشجار والنعناع والفواكه عاجبتها لكنها مو فرحانه تحس
بغصه علشان موت اخوها وعذاب ماجد لانها تعاطفت كثير معه وبذا وهي تشوف اصبعه المقطوع
تكلم روحها:مسكين ياماجد والله انك معذور من افتراسك وشخصيتك الاجراميه لانك عشت عند ناس متخلفه ماتعرف الاسلوب
اهملوك الى كرهت حالك وصار عندك احساس بانك عاله على المجتمع مسكين الله يشفيك من مرض عشق الاجرام
آآآآآآآآآآخ معقول بيوم من الايام اموت بيد ماجد اكيد ايييييييييه لان اي واحد يتعرف على ماجد راح يوم بيده

سعود يدق لاااااااااااارد

خلود راحت تنام في غرفتها وهي تحس بالوحده بعد صلاة المغرب

ماجد يقوم بضيق وملل لانه شاف كابوس تحلم بعمه المرررررعب تحلم انه قاعد يهدده ويقول راح ارد لك الصاع صاعين
ياماجدوه

قام وشاف 65 مكالمه من سعود دق وعلى طول رد

سعود:هلا ماجد
ماجد وهو يمدد يديه:اهلين ياسعود وش فيك
سعود:خلود اخت لينا والله اختها التؤام
ماجد قام واقف من الصدمه:كيف لينا وخلود تؤام كيف
سعود:اشتر الجرايد بسرررررررعه وخل خلود تقراها
ماجد:اي جريد
سعود:كل الجرايد
ماجد:طيب يالله مع السلامه

ماجد كلم راج
ماجد:هلا راج
راج:هلا بابا
ماجد:اسمع رح للبقاله وجيب جرايد كلها
راج:كم جريده
ماجد:كل انواع الجرايد انت ماتفهم ابيك بسرررررررررعه تروح وتجي زين
راج:كلاص بابا


ماجد:وين خلود وين راحت
يبحث عنها يدورها مالقاها راح لغرفتها لقاها تشوف الدبدوب لانها الى الان مو مصدقه كل ذا شبه

ماجد فتح الباب قوه
خلود انفزعت وطاح الدبوب
ماجد:معليش بس كنت ادورك مالقيتك
خلود:لا انا هنا
ماجد:طيب اسمعي فيه واحد من اصدقائي قال ان لينا هي اختك
خلود:اختي
ماجد:يقول مكتوب بالجريده
خلود:طيب كيف وليه جابوني بالجريده
ماجد:عن قضية علي اكيد
خلود:اها اجل انا المتهمه بس كيف لينا اختي وانا ماعمري شفتها ولا اهلي قالوا لي عنها ولا حتى علي!!!!!!!



مها في غرفه ساره هادئه وجالسه ولا انبست ولا بكلمه
ساره:مايصير كذا تسوين بروحك
مها سااااااااكته وتبكي
ساره:مهاوي ليه تبكين كلنا بنموت
مها:اهم اثنين بحياتي يروحون برمشة عين
ساره:ترا فيه ناس بيجون يعزون بكره اليوم الثاني
مها:مابي اشوف احد
ساره:لا الناس جايين علشانك


عبدالله:يمه انا بسافر للرياض
ام عبدالله:ليييييييييه؟؟
عبدالله:ابي اشوف مين الي ذبح علي
ام عبدالله:انت ماقريت انه منتحر
ساره وهي نازله من الدرج:مين الي منتحر
ام عبدالله:هذا ولد عمتك
ساره:علي
عبدالله:ايه
ساره انصدمت:معقول علي (وترجع بسرررررعه للتواليت وتبكي يالله كيف تموت الى الان مانتهت معركتنا ياعلي الله يرحمك
بس ليه ينتحر


الجرايد وصلها راج
ماجد اخذها وراح بسررررررعه للخلود
ماجد ويمد يده يناولها الجرايد:الجرايد
خلود تاخذ بسررررررررررررعه تفتح الصفحات والهواء شوي خرب عليها:ابشوفها داخل
ماجد:وانا معك
راحوا للغرفه وتفتح خلود الصفحات بسرررررررعه:مالقيته
ماجد:عيدي انتي مسرعه اكيد تعيدتيها
خلود تتصفح بتاني لكنها باخل مستعجله تبي تعرف علي وش صار فيه مافكرت بلينا لانها متاكده انه كذب:ايه لقيتها
تشوف صورة علي (انتحار شاب في مقتبل العمر في الرياض والسبب مجهول)التفاصيل
خلود تقوم :لاااااااااااا حرام عليك ياماجد قالوا انه منتحر
ارتسمت على شفاة ماجد ابتسامه لانه مو مهتم
خلود تشوف الصوره ومو مصدقه ماتقدر تكمل لانها قاعده تصيح
ماجد:كملي ياخلود يقولون لينا اختك
تقرا خلود:وسبب الانتحار مجهول ولكن الغريب في الامر ان له اختين ولا توجد اي واحده منهن خلود ولينا واحتمال كبير
يكون السبب واحده منهن لانه في ابلاغ قديم منذو حوالي 15 عاما بلغ لنا ان احدا الاختين اختطفت في مكه
وارجو لمن يعرف عن احدى الفتاتين اي معلومه او خبر يبلغ الشرطه

تقوم خلود مفزوعه:مين لينا هي نفسها الي انت قلت لي عنها لا انا بنجن كيييييييييييف مافيه اقدر اساله ويجاوبني
ماجد:اآآآآآآآآآآآآآآآآآه انا الي ابي اعرف اكثر منك ماتقدرين تسالين احد يعرفكم
خلود:ايه عرفت ابي اروح للشرقيه اسأل خالي اكيد يعرفها مو معقول اختي وما أعرفها



عبدالله قرر يسافر للرياض علشانه بيبلغ عن ماجد

الجزء الثامن//
مها في غرفة ساره وجالسه في الزاويه وحاطه راسه على رجلها وتبكي يارب ليه بابا وماما ليه انا السبب ليه يارب ماخليتني
اطيعهم وماروح لبيت خالتي ياليتني ماعرفتك ياعبدالله لانك انت السبب لو ماطلعت من البيت كان ماحترق لييييييييه
ياليتك يارب اخذت عبدالله ولا اخذت بابا وماما يارب رجعهم انا ماقدر اعيش بدونهم يارب انا ماقدر


خلود تفكر ومنجنه مو معقول انا لي اخت كيف لي اخت لينا اختي طلعت لا مستحيييييييييييييل اصلآ انا ماعرف اي بنت اسمها لينا
آآآآآآآآآه تذكرت الا كانت وحده ساكنه عندنا بس كنت صغيره مو متذكره الاحداث زين الا بنت اسمها لينا كانت بنفس عمري
ونلعب دايمآ لحالنا وكانت شقيه ودايم تتضارب مع علي وامي كانت تلبسنا نفس اللبس ونفس الالوان وبعدها اختفت بس كيف
يالله راسي بينفجر ياليت جوالي معي على الاقل اكلم خالي وزوجته اسألهم اكيد بيعرفون اووووووووووف بنجن
وش ذي الالغاز الي طلعت لي فجئه علي يموت قدام عيني وماجد يتزوجني لاني اشبه حبيبته الى ماتت قبل سنتين بيده
كيف تشبهني وهو كان معها من سنتين غررررررريب لا مو معقول انها اختي والدليل انها قبل سنتين تشبهني اللحين
اوووووووووف بسأل ماجد لا انا خايفه منه اخاف يذبحني اذا عشيقته ذبحها اكيد انا بالطريق



ماجد قاعد في السياره يسمع الشريط للمره الثالثه وهو حزززززززززززززين قاعد يتذكر اول مرره سمعه تفاجئ وجن انهار
ومافكر الا انه يروح للمكان الي دفنها فيه ودفن حاتم البرئ كان يدور مثل المجنون لكن ماعرف المكان رغم انه هو الي
دافنه لانه خلى الارض متساوي مع المكان الي دفنهم فيه يتذكر كيف يصارخ بالصحراء ليناااااااااااا حاااااااااتم لاتخلوني
مين بقى لي بالدنيا


عبدالله وصل للرياض وراح لقسم التحقيق
عبدالله:السلام عليكم
المحقق:وعليكم السلام
عبدالله:انا جيت من الشرقيه خصيصا علشان علي الي قالوا عنه منتحر
المحقق:ليه عندك اي اعترافات او شئ جديد
عبدالله:ايه عندي
المحقق:اكتب عندك ياكاتب العدل اعترافه
عبدالله:اقولك علي ولد عمتي كان عندنا يوم الثلاثاء الماضي وكان له صديق اسمه ماجد وهو صاحب الشركه
المحقق:مين صاحب الشركه ماجد ولا علي
عبدالله:ماجد بس عطى علي وكاله لانه انسان جاهل مايعرف يقرا ولا يكتب
المحقق:انت قلت صديقه وعلي عمره 24 سنه
عبدالله:صديقه عمره بالعشرينات:طيب اكتب
عبدالله:وعلي قبل قال لي ان ماجد ذبح عمه ويذبح اي واحد ماينفذ طلباته
المحقق:ووش طلب من علي
عبدالله:انه يبيع الشركه قصده يصفي الي في الشركه او يبيع الملكيه بس قلت لك انه جاهل
الشرطي:ايه كمل
عبدالله:خطبت اخته وفرح ووافق وبعدها اول مارجع لبيتهم مات واخته مو موجوده
الشرطي:اها بس هو منتحر لان مافيه بصمات ولا شئ يدل انه مقتول
عبدالله:علي انسان مؤمن ومستحيييييييييل يفكر بالانتحار
الشرطي:يمكن تكون اخته الي اختفت هي الي قتلته اذا كان مو منتحر
عبدالله:اخته بنت عمتي وهي خواااااافه وتحب اخوها مستحيل تفكر تذبحه ماوصلت الاجرام فيها الى ذي الدرجه
الشرطي:طيب وين اخته اختفت هي لها اقارب غيركم
عبدالله:ايه لها اقارب بس منقطعين عنهم ولا يكلمونهم ولا تعرفهم
الشرطي:خلاص اي معلومه ثانيه عندك تعال وبلغ
عبدالله ابتسم:مشكور ويعطيك الف عافيه

طلع عبدالله وراح للشركه وهو استغرب ان ماجد مو فيها مايدري ان ماجد عمره ماجاها وبعد ماشاف خلود نسى حتى اسمه
عبدالله:لو سمحت اخوي
رجال:اهلين
عبدالله:ممكن اعرف وين صاحب الشركه
رجال:اسمه ماجد لكن مايجي للشركه ابدا
عبدالله:طيب ممكن اعرف اصدقاء له احد شئ
رجال:والله مادري بس رح للموظف اسمه احمد لانه كان معه قبل
عبدالله:مشكور مشكور


في العصر ماجد جالس فوق السياره وقاعد يفكر
خلود تجي له وهي متردده:لووو سمحت ممكن طلب
ماجد يضحك:هههههه كل هذا تردد وخوف انتي تامرين امر ياقلبي
خلود بنظرات خوف ممزوجه بخجل:ممكن شوي جوالك
ماجد طلع جواله:خوذي
خلود:شكرا
راحت خلود بعيد عن ماجد

ماجد بصوت عالي:بتكلمين الشرطه صح
خلود:لا بكلم خالي (وهي تفكر ياليتني اقدر اكلم الشرطه بس مشكلتي خواااااااافه
ماجد:خلاص كلمي
خلود تروح بعيد وماجد يفكر يالله اكيد بتكلم الشرطه بس لو تكلمهم ماراح أأذيها هاذي الغاليه خلود اخت لينا
خلود على طول رجعت بحزن:خذ شكرا
ماجد باستغراب:كلمتي
خلود تهز راسها بالنفي
ماجد وهو ينزل من فوق السياره:ليه؟؟
خلود:لاني ماعرف رقم خالي
ماجد:اها طيب ولابيتهم
خلود:ولا بيتهم (تذكرت خلود انها تعرف رقم عبدالله لانها كانت تحبه
ماجد:ليه وش كنتي تبين منهم
خلود:أبي اعرف لينا مين بجد اختى ولا كلام جرايد
ماجد ابتسم:تصدقين حتى انا انكر انها اختك
خلود ساكته
ماجد:ماسالتيني ليه
خلود:ليه
ماجد:لانها مو زيك ابدا تضحك كثيرررر وتتكلم كثير تصدقين حتى راج ويعقوب كانت تجلس وتسولف معهم
خلود:بس انت تحبها ماتغار
ماجد:اغار بس مو كثيررر يمكن لاني ماكنت عايش بالسعوديه
خلود:وين عايش
ماجد:بعد ماماتت لينا رجعت لجزر المالديف وشريت لي فله عند الجبال بموقع فخم كانت تحلم فيه لينا
خلود:كم جلست هناك
ماجد:سنه وست اشهر وقبل وفات عمي كنت اسافر هناك تقريبا سافرت خمس سنين وعشت في نيويورك
خلود:ليه انت معك لغه
ماجد:ايه معي لغه لاني دايم اسافر للخارج وانحكم على اني اتعلم اللغه وتعلمتها
خلود:والعربيه
ماجد:العربيه اهم شئ اني اتكلم
خلود:والكتابه بعد مهمه
ماجد:تصدقين انا مابي اتعلم ولا فهمي سريع
خلود:وعلي
ماجد حرك راسه واستغرب من تغير السالفه المفاجئه:وش فيه
خلود:من متى تعرفه
ماجد:قبل سنتين ونص كان موظف مخلص بالشركه وعطيته وكاله عامه
خلود:طيب ليه انت قتلته
ماجد:آآآآآه ياليتني ماقتلته
خلود تناظر بانسجام معه:ليه
ماجد:علشان مأعذبك بس تصدقين لو اني ماقتلته كان ماعرفتك
خلود تنزل دموعها:الله يرحمه بجد قلبي محروق عليه بس ابي اعرف وش السبب الي خلاك تذبحه بعنف وبهالطريقه
ماجد:لاني مجنون غبي حمقي
خلود:هذا السبب
ماجد:لانه طنشني وسافر وخلاني ولا حسب لكلمتي حساب
خلود:بس وش كلمتك الي تبي لها حساب
ماجد:لانه ماباع الشركه
خلود:علشان هالشئ التافه تذبحه
ماجد:ماعليش يالينا والله مو قصدي انا كل قصدي علشان احقق لك امنيتك
خلود:انا مو لينا ووشي امنيتي
ماجد يتنهد:ماعليش قصدي امنية لينا
خلود ساكته
ماجد:امنية لينا تعيش بفله فخمه وأثاثها فخم قلت الشركه مابيها ابي ابيعها مع ان فيه اشياء كثيره غير الشركه اقدر ابيعه بس انا اكره ذي الشركه
علشان اكمل فلوس الاثاث
خلود:طيب ماراح تتوب عن القتل والذبح والعذاب
ماجد:انشالله ماقتل بعد اليوم بس الله يخليك لاتتركيني
خلود:اخاف اموت بيدك
ماجد دمعة عيونه وانهبل من كلمتها ذي وراح وأخذ سكين
خلود خافت وقامت مفزوعه وتأكدت انها راح تموووووووووووت


عبدالله:بغيت اسالك اخوي احمد عن ماجد صاحب ذي الشركه وين يسكن
احمد:والله هو له فلل كثيرررررره وماله مكان محدد بس تقدر تسأل صديقه الروح بالروح سعود
عبدالله:بس ماقلت لي وين القى سعود
احمد:هو ضابط كبير
عبدالله استغرب:ضابط بس وين القاه
احمد:والله مادري اخوي بس اسم الضابط سعود موسى السالمي
عبدالله:مشكور مع السلامه (كتب اسمه علشان ماينساه


خلود تقوم مفزوعه وماجد يعطيها السكين
خلود:وش اسوي فيها
ماجد:قطعي يدي علشان تضمنين اني ماراح اذبحك ولا اقتل احد
خلود ترمي السكين وتغطي يديها على وجهها وتبكي وتروح بسررعه للغرفه

ماجد جلس على الارض ودموعه تنزل: ياليتني اموت بجد انا عذاب لكل انسان وانسانه انا حيوان لغتي الذبح(لايغركم ان ماجد مجرم تراه حساس فوق اللزوم ومايتحمل
صحيح يقتل بس اللوم على الزمن الي علمه والضروف القاسيه الي مر فيها)



مها في غرفة ساره حزينه وتفكر
ساره:انزلي يامها فيه ناس يبون يعزونك
مها تقوم وهي منهده تنزل بخطوات متثاقله ويائسه


عبدالله:السلام عليكم معليش ازعجتكم اليوم
المحقق:لا عادي فيه اي شئ جديد عن القضيه
عبدالله:ايه فيه ضابط كبير اسمه سعود مو
المحقق قاطعه:السالمي
عبدالله ابتسم:ايه
المحقق:وش فيه
عبدالله:هذا صديق ماجد الروح بالروح لو تسألونه
المحقق:ايه خلاص مشكور انت ارجع لديرتك ولا تشيل هم ومابي احد يعرف انك بلغت
عبدالله:بس اهلي يدرون
المحقق:لا عن سالفة الضابط
عبدالله:ايه خلاص يالله مع السلامه
المحقق كانه فرح لان بينه وبين الضابط سعود عداوه يكرهون بعض وكم مره سعود يخرب عليه اشياء واستغلها فرصه
علشان يوقعه بالفخ

بعد صلاة العشاء
ماجد تذكر ان خلود ماعندها ملابس ولا فساتين لانه خطفها:ايه انا مالي الا اجيب لها افخم الفساتين وفستان عروس بعد
راح ماجد لخلود

خلود نايمه
ماجد:خلاص انا ماراح ازعجها ابروح وارجع بسرعه


عبدالله وصل للشرقيه بعد ثلاث ساعات وكل شغله الشاغل هي خلود كيف اختفت وعلي كيف مات وفضوليته كل دققيقه تزداد
جن من كثر التفكير

عبدالله راح لأفخم اسواق الرياض راح للعليا مول وصحارى شرا فساتين حلوه ومو غريب ان ماجد يشتري شئ حلو لان ذوقه رااااقي
وبعدها راح لسوق مكه شرا افخم فستان عروس ماعرف المقاس بس شرا لبس اقصر من طوله بشبر ونص ولبس ضيق
وبعدها راح لليوروماشيه ماعجبه شئ طلع لان مو كل شئ يعجب ماجد وراح لباريس غاليري واخذ الطلبيه لانه طلب
افخم انواع مكياج وعطورات ووصلوها لعند الباب (الواسطه لها دور حتى في الاسواق والله دنيا


ساره:ياهلا فيك ياخوي والله نورت
عبدالله:ياهلا وغلا فيك بس ترانا لنا يوم عن بعض
ساره تغني:يوم بسنه يوم الماشوفك انا
عبدالله:لانا ماقدر على ذا الدلع

ماجد وصل للمزرعه وخلود قايمه وهي خااااايفه جالسه بغرفتها وماطلعت لانها ميته رعب
ماجد طق الباب
خلود قلبها يدق بسرررررررعه انرعبت ماتت خوف
ماجد:خلوووود
خلود تطمنت مع انها تعرف انه سفاح الا انها تطمنت انه هو:تعال ماجد
ماجد وبيده اكياس كثيررررره وعلب مغلفه:يازين اسمي من فمك
خلود تبي تضيع السالفه:ماجد لو سمحت ابي جوالك
ماجد:خوذي ذكرتي الرقم
خلود:لا (سكتت لانها تفكر كيف تقوله انها تبي تكلم عبدالله لانها خايفه منه
ماجد ابتسم:عادي اذا بتكلمين الشرطه والله عادي كلمي الي تبين
خلود:لا ابكلم ولد خالي لاني اعرف رقمه لاني ابي اسألهم عن لينا
ماجد:ولد خالك كم عمره
خلود:تقريبا بعمرك لكن والله عمري ماكلمته
ماجد ابتسم ابتسامته الساحره الي كانها ابتسامة طفل مو سفاح:طيب خلاص كلميه وانا ماراح ازعل على اي شئ تسوينه
خلود طلعت وقلبها يدق بسرررعه وميته خوف تدق الرقم وهي مستحيه حيييييل من ولد خالها



عبدالله:عن اذنك يمه ذا رقم غريب ابروح ارد
ام عبدالله :خلاص رد
عبدالله:الو
خلود بصوت مرتجف وخايف:الو و و
عبدالله:اهلا مين
خلود:خلود انا خلود
عبدالله فرح ابتسم:خلود وين انتي وين رحتى وين اختفيتي خفت عليك
خلود:انا انا ابي خالي او خالتي اي احد منهم
عبدالله:ماراح اقولك الا اذا قلتي لي انتي وينك
خلود من غير تفكير:انا مع زوجي
عبدالله:زوجك انتي متزوجه كيف ومتى وليه
خلود:انا تزوجت بيوم حادثة اخوي بس مأدري وش صار له ومين السبب
عبدالله:طيب كيف تزوجتي بنفس اليوم الي رجعتوا من السفر
خلود بارتباك وبخجل:ايه انا كنت ابيه(خلود قالت ذا الكلام علشان عبدالله ينساها وعلشان ماجد مايقتله اذا عرض طريقه
عبدالله:طيب علي كان موافق
خلود:ايه
عبدالله:بس انا خطبتك ووافق ماقال شئ
خلود:لاني مارديت ولا رفضت
عبدالله:طيب وش اسم زوجك
خلود:ابي خالي او خالتي
عبدالله بقهر:نايمين لان الوقت متأخر
خلود:خلاص سلملي عليهم مع السلامه
عبدالله:مع السلامه

عبدالله جن انقهر معقول لذي الدرجه خاينه انا احس ان فيه غلط يمكن مغصوبه تقول ذا الكلام والدليل ماقالت وش اسم زوجها
انا وراك يانذله والزمن طويل

خلود في المزرعه بالليل ومايسمع الواحد الا صوت الذئاب والكلاب ررررررعب ولبسها عند الركبه متقطع(علشان كذا انتبه ماجد
تفكر انا وش سويت لخبطت الدنيا غررريب ليه انا قلت اني موافقه وابي ماجد وليه ماقلت اسمه وليه ماحس اني فرحانه
بعد ماسمعت صوت عبدالله الي كنت احبه كنت!!! ايه صح كنت لاني اللحين ماحس اني اكن له اي عاطفه واي مشاعر

ام عبدالله:مين كلمك
عبدالله:واحد غلطان وش كنا نتكلم فيه يماه
مها فوق لانها بتنزل من الدرج علشان تشرب مويا
ام عبدالله:والله مها حالتها تقطع القلب تزوجها حرام عليك مالها احد غيرنا
عبدالله:لو مابقى بالدنيا ذي الا مها والله ماخذها
ام عبدالله:طيب ليه
عبدالله:لانها وحده راميه حالها على الرجال كم مره تحاول تغريني وكلها على بعضها ماتعجبني وحده مسترجله مستحيل افكر فيها
مها حطت يدها فمها ورجعت للغرفه وهي تصيح بقوه ومنهاره
ساره تقوم لانها قاعده تقرا كتاب:وش فيك مها قولي لي وش فيك حبيتي
مها يزيد صياحها
ساره:والله ماعليش يامهاوي انتي قلتي تبين مويا قلت روحي للمطبخ لاني مابيك تحسين انك غريبه وابيك تطلعين من الغرفه لانك حابسه روحك فيها
ماعليش اجيبلك اللحين

مها تكلم روحها والله ياماما صحيح كلامك انا رميت روحي على واحد مايستاهل ياليتني ماعرفته ولا حبيته

ماجد:تفضلي
خلود بهدؤ:وش هذا
ماجد:هديه لك اقبليها مني بمناسبة زواجنا
خلود تفتح الكيس الفاخر وتطلع الفستان المميز فستان سماوي وعليه الوان زاهيه بارده:حلو حلو ذوقك
ماجد:ماشفتي شئ خوذي ذي العلبه
خلود تفتح العلبه الكبير ه المغلفه تشوف فستان الوانه ناريه احمر اورنج اصفر بس جدا رووووووووووعه
تبتسم خلود:مشكور
ماجد:هاذي الهديه بمناسبة زواجنا ابي اليوم نحتفل
خلود:كيف وليه
ماجد:مو انتي عروستي
خلود:ايه وبعدين
ماجد:ياحياتي بكره زواجنا انا حجزت كل شئ
خلود:وش حجزت
ماجد:كل شئ حلو انشالله تشوفينه مفاجئه وبيعجبك خوذي باقي الهدايا وانشالله تعجبك(طلع برا الغرفه
خلود فكرت بكل شئ بكل صغيره وكبيره فكرت حتى لو بتجيب عيال منه كيف بيصيرون مجرمين زيه ولا كيف بتكون التربيه
وفكرت كيف تعيش مع واحد جاهل


ساره تنزل تحت وشكلها متضايق وتتأفف
عبدالله:وش فيك!!1
ام عبدالله:سكنهم في مساكنهم
ساره:اووووووووف يماه هاذي المسكينه مادري كيف بتعامل معها
ام عبداالله:وش فيها
ساره:قبل 10 دقايق قالت تبي مويا قلت روحي انتي علشاني ابيها تغير وتطلع من الغرفه الي حابسه روحها فيها
ام عبدالله:وبعدين وش صار
ساره:طلعت ورجعت بعد دقيقتين تبكي وحالتها حاله
عبدالله ضرب راسه:يوووووووووووه يمه اكيد سمعتنا
ساره:ليه وش قلتوا


المحقق عيسى كلم الريئس وحولوه للقسم الي فيه الضابط سعود
عيسى آآآآآآآآآآآه الحمدلله اللحين ياسعودوه اوريك مين انا مثل مافشلتني كم مره ورديتني اوريك بس والله لاشوف اي جريمه
سواها صديقك وأحط التهمه عليك يالخااااااااين(عيسى يكره سعود لان سعود كم مره يتشدد على القضايا الي تهم عيسى


الساعه 2ونص ليلأ الكل نايم
مها تقوم من السرير بهدؤ علشان ماحد يسمعها واخذت العباة والطرحه نزلت من فوق شوي شوي الى وصلت للباب الخارجي
لبست عباتها وفتحت الباب بهدؤ وبعدها اغلقت الباب
مها تمشي بخطوات مسرعه وكلما يزيد صياحها ويزيد قلبها طعنات وآآآآآهات تتذكر الكلمات الي يرددونها
عبدالله :لو مابقى بالدنيا ذي الا مها والله ماخذها
لانها وحده راميه حالها على الرجال كم مره تحاول تغريني وكلها على بعضها ماتعجبني وحده مسترجله مستحيل افكر فيها
لانها وحده راميه حالها على الرجال كم مره تحاول تغريني وكلها على بعضها ماتعجبني وحده مسترجله مستحيل افكر فيها

لانها وحده راميه حالها على الرجال كم مره تحاول تغريني وكلها على بعضها ماتعجبني وحده مسترجله مستحيل افكر فيها
تنعاد الكلمه الف مره براسها وكل اعاده يزيد الصوت باقوى وتبكي مجهشه بدموعها الحاميه والحارقه تتذكر كلام امها
ام مها:ايه كل يوم والثاني ملصقه نفسك عندهم اثقلي علشان يفكر فيك

تبكي مها مافيه احد يبيني لييييييييييييييه تركض بالشارع بسرعه وتروح بالاتجاه الايمن والناس الي بالشارع يناظرون لها
مستغربين لكن الكل عطف على حالها


عبدالله يفكر:بجد خاينه خلود تتزوج خيااااااااااااااااانه والله خاينه انا اكره قد مأحبها بجد نذله
ويقطع حبل افكاره الباب المفتوح بقوه ساره:عبدالله مها مو بالبيت
عبدالله:وين راحت ذي الغبيه
ساره:مادري يالله دورها مابي اخوف امي
عبدالله بسرررررررعه لبس وراح للسياره ويمشي يمين ويسار مايشوفها:يالله ذي وين راحت

الساعه 3 وربع
مها يزيد صياحها بعد ماعترضوا طريقها شباب معاكسين بعدت عنهم وهي تركض وطرحتها طاحت بالارض ولا اهتمت لها
يزيد بكاها تروح من عند الاشاره تركض وتلف يسار بعدها توصل لحي مظلم وبدأت تمشي بهدؤ وتمشئ وكلما يزيد
حركتها بطئ وتشوف قطعة ارض مربعه فاضيه بينها فلل تعرفها تشوف الارض الفاضيه يزيد صياحها المكان مظلم
تدخل ذي الارض وتصيح لااااااااااااااااااااااااااااااا باااااااااااااااااابا ماااااااااااااااااااما مافيه احد يبيني الا انتم لا خوذوني معكم
انا اكره نفسي بابا ماما الله يخليكم خوذوني لو للجحيم انا راضيه لااااااااااا بابا ماما كان هنا في بيتنا وين راح وين
انا السبب انا السبب (تجلس بزاوية الارض وتكلم روحها

عبدالله:اعوذبالله وين راحت ذي العله وين بتكون يمكن راحت لوحده من صديقاتها اووووووووووف
لا انا ليه ماشوف بيتهم يمكن راحت هناك يمكن خلني اروح




الجزء التاسع///
مها قاعده على زاوية قطعة البيت المحيطه لها جدران او حيطان فلة جيرانها وهي كاشفه لان طرحتها طاحت عند اخر الشارع
تقوم من مكانها وتروح لوسط الارض الفارغه من كل شئ وتكلم مكان فيها وهي جالسه كأنها تكلم احد وهي تبكي
بابا كان هنا جالس وكان يقرا الجريده ماما كانت جالسه هنا وبيدها كاس حليب قبل ثلاث ايام كانت امي زعلانه على
علشان عبدالله حبيبي لا مو حبيبي كان حبيبي لو ماطلعت له ورحت لبيتهم كان ماصار الي صار لا يابابا تعال انت وماما
انا بدونكم مين انا مافيه ااحد يبيني الكل يكرهني الكل زعلان على انا ضايقت الكل وجودي

فجائه تضوي قطعة الارض من إنارة سيارة عبدالله لكن مها مارفعت نظرها لانها منسجمه وتتكلم عبدالله يناظر ومو مصدق
مها وش جابها وش تبي من هنا ليه جت وكيف ينزل من السياره غرررريب مين تكلم مها ووش تسوي
يقرب لها عبدالله ومها منسجمه تتكلم بابا ارجع لي ياما ارجعي مافيه احد يحبني الكل يكرهني الله يخلكم ارجعوا مابي بالدنيا
كلها الا انتم

عبدالله يقرب وهو يسمع كل شئ:مها
مها تلتفت له مفزوعه وتغطي عيونها لان إنارة السياره قويه تدعك عيونها وتناظر زين
عبدالله:مها وش فيك مين تكلمين
مها ناظرت له زين:وش تبي فيني ماقلت اليوم اني راميه حالي عليك خلاص اتركني لاتخاف ماراح اجيلك ابدا
عبدالله حزن:لا ماقلت
مها:انا دايم اسمعك تقول لساره اني ملصقه نفسي عليك وماكنت اصدق روحي لكن اللحين انا مابيك بجد انا راميه روحي عليك
صح؟؟؟
عبدالله قلبه يزيد طعنات وحزن لانه يشوف حال مها الي يقطع القل:انا اسف ماكان الكلام ذا من قلبي خلاص انا ابيك
مها بصوت عالي ممزوج بصياح وبشهقات:انا مو لعبه تبيني وماتبيني
عبدالله:خلاص نتزوج
مها:وخلود
عبدالله:وش فيها
مها:خلود انت تبيها صح ماتبيني انا اكرهك انت السبب بموت بابا وماما
عبدالله:لا مو انا السبب هذا شئ مكتوب
مها يزيد صياحها وتأشر على قطعة الارض الي وراها:هنا كان بابا جالس وهناك كانت ماما واقفه وهنا انا قلت لماما ابروح علشان
عبدالله وهنا قالت ماما لاتروحين لان عبدالله مايبيك وهنا صارخت في وجه ماما وهنا كانت السياره واقفه وهنا كنت اشرب زجاره
وتأشر لفوق وهنااك قالت ماما روحي انا بنزل وهنا انفجرت السياره والبيت وهنا كانت جثة بابا وهناك كانوا الاسعاف شالوا
ماما وانا ماشفت ماما ماااااااااااااااااتت ماااااااما وانا ماشفتها تصارخ بقوه صرخات متفرقه بابا ماااااااامااااااات مااااااما ماماتت
لااااااااا
عبدالله تقطع قلبه على حال هالمسكينه الي قاست بالبدايه عشقه وعذابه وبنهايه فراق اهلها دمعت عيون عبدالله:خلاص حبيتي (سكت
تكلم بقلبه انا كيف قلت لها ذي الكلمه
مها:ابعد عني انا ابعيش طول عمري محرومه بالبدايه حبيتك ونسيت اهلي وبعدها راحوا اهلي لا وانا بروح معهم اشتقت لهم بروووح لهم
(تركض مها بسرررعه تروح للشارع الخلفي الي قليله السيارات فيه نظرا للوقت
عبدالله اختبص مايدري وين يروح بسياره ولا برجله من غير تفكير ركض وراها بسررررعه وراح وراها
مها تمشئ بسرعه وهي تبكي لا بابا وماما انا بجي لكم ابجي لكم انا ابيكم تركض وتروح تشوف سياره مسرعه لانه يبي يلحق
على الاشاره وتقطع الشارع العام وحااااااااااااااااااادث شنيع

عبدالله وصل بسرعه لانه وراها ضرب راسه من الفاجعه وراح لها بسرعه:مها قومي انتي غبيه لا (ويشيلها بسيارة ذا الرجال الي صدمها على المستشفى


خلود مانامت وهي تفكر كيف اسوي معه اوووووف بجد ملل مابي اتزوج طيب والمدرسه يالله من زمان وانا غايبه
اوووووووف اقول خلني اطلع بس بجد انا خايفه لان المزرعه في الليل تخوف والاصوات بعد تخوف
اوووووف وش فيني انا دايخه وبردااانه اقول خلني اروح برا لا ابفتح الشباك قبل علشان اتطمن
فتحت الشباك وبما ان له صوت شافها ماجد الي كان جالس عند النار والحطب ابتسم تعالي خلوده
خلود شافته اتطمنت وشوي فرحت طلعت له كانت لابسه جلابيه فخمه لونها تركواز على لحمي على اخضر بجد جذاااااابه

ماجد يصفر وو واااااو:بجد قمر ياخلود لا والقمر يتمناك بعد
خلود استحت:بجد مشكور وهذا وانا مالبست لبس كشخه من الي جبته لي
ماجد:انتي حلوه لو بلبس مشرشح(مايدري ان الموضه طالعه مشرشح
خلود مبتسمه وساااكته
ماجد:وش فيك واقفه اجلسي بقولك قصص حلوه
خلود:اي قصه؟
ماجد:بقولك عن قصه ضحكت لينا
خلود:خلاص قلها
ماجد:بيوم من الايام كان فيه واحد من الشباب يسوق له تاكسي عند سوق شعبي بالرياض وجت له وحده حبشيه ماعرف انها
حبشيه الا من لهجتها لانها كانت لابسه قفازات وشرابات وعباءه كامله مو باين منها شئ ومعها كيس كبير قالت افتح الشنطه الخلفيه
للسياره فتحها وحطت الكيس المغلق باحكام ركبت للسياره وكان بيدها طفل صغير يبكي بصوت عالي والطفل ملفوف عليه
بشرشف ابيض ويبكي الطفل بقوه ويصارخ يقول انه وداها مكان بعيد لكن في الرياض ويوم مصلنا قالت كم الحساب
قال خمسين ريال قالت خلاص اصرف الخمسميه من عند ذي الصيدليه راح ورجع قال مايصرف قالت انتم يالرجال ينضحك عليكم
يصرفونكم عطني انا اصرفها قال لا كيف اخاف تناحشين قالت ولدي نايم عندك قال خلاص راحت وأخذت ساعه ساعتين ثلاث
طولت والطفل نايم واروح اشوف الطفل القاه بركه من الدماء والقى سكينه في بطنه
خلود صرخت:لاااااااااا
ماجد:وش فيك ماكملت
خلود وهي تحرك شفايفها استعداد للبكاء:كمل
ماجد:راح على طول للشرطه وبلغ اتهموه قال فيه احد يسوي جريمه ويروح للشرطه وبعدين تذكر شئ اييييه تذكرت فيه كيس كبير
في السياره ورا راحوا الشرطه فتوحو الكيس ولقى رؤؤس اطفال
خلود تبكي:لااااا وش ذا حرام عليك
ماجد:وش فيك بكيتي لينا كانت تضحك
خلود تكلم بتردد: لينا المسكينه ضحكت لانها ماتدري انك تحب القتل والاجرام وماشافت اخوها ينذبح قدامها
ماجد نزل راسه:انا اسف
خلود انتبهت لكلامها:انا اسفه مو قصدي
ماجد:لاعادي بس عن اذنك ابجيب شئ
خلود طارت خوف ورعب خافت انه بيذبحها وتناظر له بكل رعب وخوف
ماجد يضحك:لاتخافين والله مأجيب مسدس ولا سكين
خلود تناظر له باستغراب انا لازم اتعامل معه زين يمكن يترك الاجرام واكون انا السبب

مها ينقلونها للسرير الابيض الملئ من الدماء ويوصلوها قسم الإنعاش

عبدالله منتهي من الحزن ويفكر بحالها ماتستاهل ذي المسكينه حرااااااااام


ماجد بيده حليب ساخن وقطعه من الخبز البر يمشئ بالليل المررررررعب ويوصل عند المكان المنير بفضل الحطب والنار

ماجد:تفضلي ياحلى خلود بالدنيا تصدقين اني اتمنى انك تروحين لخالك الي بالشرقيه
خلود:ليه
ماجد:اتمنى اعرف قصة اختك لينا من اولها لاخرها وكيف انخطفت
خلود:حتى انا اتمنى بس حاسه ان في الامر غلط(سرحاااااااااانه
ماجد:هوووووووووه وين رحتي
خلود:للطفل المذبوح
ماجد:اي واحد
خلود:الي قلت لي قبل شوي
ماجد بابتسامه:اها تصدقين امنيتي اتعرف على ذا الحبشيه احس انها كذا (يأشر بيده)يعني حركه
خلود:يماااااااااااه
ماجد:وش فيك خفتي عاد تصدقين انا بحياتي مأنبني ضمير مثل الحركه الي سويتها
خلود:ليه وش سويت؟؟
ماجد:بيوم من الايام تزاعلت انا وشباب كسروا سيارتي تدرين كيف رديت لهم الثأر
خلود بابتسامة استهزأ:اكيد ذبحتهم
ماجد:لا سويت اكبر
خلود:اجل دفنتهم احياء
ماجد:لا اكبر
خلود:اجل وش سويت احرقتهم بموية نار
ماجد:لا اكبر
خلود:اجل وش سويت فيهم!!!!!!
ماجد:بيوم من الايام وتحديدا يوم الثلاثاء قبل مده كان ولد راجع من المدرسه كان بصف اول ثانوي راجع هو وصديقه
وانا اركض وراه مسررررررررع
خلود قلبها يدق بسررررررعه
ماجد:وانا وراه مسرررررررع وبيدي رشاش والولد يركض وصديقه يدخل بيتهم والولد الي مشئ وراه راح لبيت اهله
وانا ادخل البيت وامه وابوه في الحوش جالسين يضحكون ويتقهوون ويدخل الولد
عندهم مفزوع ويبكي وانا ادخل وراه آآآآآآه وابوه يهديني وانا ابعده والام تصارخ لانها تشوف الرشاش بيدي وارمي امها بالارض
وقدام عين ابوه وامه اذبحه اصبت ابوه اصابات لكنه خفيفه والولد مات في مكانه الام على طول راحت تركض لغرفة
النوم وتجيب مسدس والمسكينه ماتعرف تستخدمه وصارت منهاره وتضرب طلقات ناريه باماكن متفرقه
(((للمعلوميه فقط ترا ذي القصه حقيقيه وصارت قبل اسبوعين للناس اعرفهم ادعوا للولد بالرحمه واهله الصبر)))

خلود:غررررررررريب تصدق ذي القصه صارت لاخو صديقتي ريم
ماجد:هم بأي حي وين يسكنون
خلود:تصدق عمري ماسألتها
ماجد:اها غرررررريب انتي عكس لينا لينا تحب تعرف كل شئ
خلود:الله يرحمها بس بجد انت ليييييه ماتتوب عن الذبح
ماجد يسمع صوت قطوه مزعجتهم من الصبح ويشوفها ماره ياخذ المسدس طراااااااااااااااخ على القطه
خلود:لاااااااااااااااااااااااااااا حرااااااااااااااااام عليييييييييييك (تبكي
ماجد:وش فيك حبيتي تبكين
خلود تقوم وتروح لغرفتها مسرررررعه
ماجد يلحقها:وش فيك حياتي
خلود:مابي اتزوجك انا مأقدر اعيش مع واحد مايتفاهم الا بالمسدس والقتل
ماجد:والمطلوب مني
خلود:انك تتركني
ماجد:كيف اتركك؟
خلود:ابيك تخليني اعيش حياتي زي الناس
ماجد:خلاص انا مستعد اعطيك كل الاسلحه الي عندي وماتجيبين سيرة الفراق مو كافي لينا راحت بعد انتي تتركيني لا مستحييل
خلود:طيب وش يظمن لي انك ماترجع للذبح
ماجد:اذا ذبحت انسان او بشر اتركيني بس قبل ماتبعدين عني اقتليني لاني ماقدر اعيش بدونك
خلود تاثرت من كلامه وزاد صياحها:ولا حيوان ولا اي مخلوق تقتله
ماجد:تامرين امر خلاص ابترك الاجرام واعيش احلا عيشه معك
خلود وهي تمسح دموعها وابتسمت:وتقص شعرك
ماجد:مو حلو ماعجبك ولا يهمك اقصه اذا تبين على الصفر
خلود:لا مو على الصفر خله الى عند اذنك بس مايكون طويل زي كذا
ماجد:اقصه وبعد اي اوامر ثانيه يازوجتي الغاليه
خلود بخجل:انا مو زوجتك
ماجد:الليله تصيرين زوجتي بس ماقلتي لي اي طلبات ثانيه
خلود:امممممم ايه عندي ابيك تتعلم القراءه والكتابه
ماجد:طيب مين يعلمني
خلود:جيب لك مدرس
ماجد:كيف اجيب لي مدرس تبينه يضحك على يقول عني قد حمارين ومايعرف يقرا ولا يكتب
خلود تضحك:هههههههههههههههه حشاك من الحمير
ماجد ابتسم:اول مره تقولين كلمه حلوه
خلود حمر وجهها
ماجد:خلوده ابيك اللحين تروحين تنامين الى الظهر او العصر
خلود:طيب
ماجد:تمسين على خير يالغاليه

ساره تدق على عبدالله مـــا يــرد
جنت ساره ماتدري وش القصه صارت تدور في البيت فوق تحت ماخلت مكان ماراحت له من القل الي عايشه فيه


الدكتور:للاسف ياعبدالله حالتها شوي صعبه الى الان ماعدت مرحله الخطر اذا وصلت72 ساعه ماصحت راح تعيش طول
عمرها في غيبوبه
عبدالله يمسح دموعه:طيب مالها اي علاج
الدكتور:ادع لها بس العلاج من الله لان حالتها زي ماقلت لك صعبه(يروح الدكتور

الله اكبر الله اكبر اشهد ان لاله الا الله اشهد ان محمد رسول الله...........الخ الصلاة خير من النوم

عبدالله:ايه انا بصلي وادعي لها(يروح للمسجد وحالته حاله انسان محطم شايل هموم الدنيا كلها فوق راسه

راح وتوضأ قرا سورة الرحمن خلصت السوره ياااااااااارب ارحمها بشفائك ياااااااارب لاتفجعنا بمصيبه
اني لاسالك رد القضاء بل الطف فيه
اللهم رحمتك ارجو فلا تكلني الى نفسي طرفة عين واصلح لي شأني كلهه لاالــه الا الله

راح للمستشفى
عبدالله:اقدر اشوفها
الدكتور:لا ماتقدر لان حالتها مو مستقره
عبدالله:ماراح اطول عندها ولا ازعجها بس خلني اروح
الدكتور استسلم له:بس خمس دقايق
عبدالله:مشكور
عبدالله يدخل عند مها ويشوفها الشاش المغطى براسها وجروح بيدها
عبدالله ناظر لها ودمعت عيونه وزاد بكائه راح لعندها :اسأل الله العظيم رب العرش العضيم ان يشفيك(قالها 23 مره
الدكتور بصوت خفيف:خلاص انتهت المده
عبدالله:خلني شوي
الدكتور:تدري انك هنا لك عشر دقايق خلاص انشالله ربي يشفيها وانا على بسويه
عبدالله راح وقرب للدكتور:لاوصيك عليها
الدكتور:انشالله بسوي الى على وزياده بعد


موسى نقل للقسم الشرطه الي فيه الضابط سعود

اجتماع كبير لجميع الموضفين الي في القسم


الرئيس:انا جمعتكم اليوم لنحاول القضاء على الجرائم الي كل يوم تزداد بتكاثر بكل في الرياض وجميع انحاء المملكه
ابيكم تجتهدون بزياده بالكشف عن الشبكات الارهابيه والاجراميه وتعاطي المخدرات

سعود:وانت الصادق يسعادة الرئيس بس كيف نلقي القبض عليهم والشعب عددهم كثير والدوله كبيره

الرئيس:ابيكم تجتهدون وماراح تخسرون انسالله بس انتم الى الان ماقبضتم على الرجل بصورة المراءه(ذا رجال كل يوم يدخل بيت
يغير صوته ويسوي نفسه من الجيران الجدد طبعا العمليه في الصبح والرجال كلهم في اشغالهم وبعدها يخنق الي قدامه او يقتلها بسلسه
حديديه بعد اغتصابها ويسرق كل الاشياء الثمينه في البيت ويضع الجثه في البانيو او المسابح اذا وجدت ومن زيادة اجرامه
انه احرق اصابعه علشان ماتبان البصمات خلال السلام او الاغتصاب او الذبح هذا ايام زمان قديم حرق اصابعه لكن بعد اكتشاف
الحمض النووي صار يلبس لبس كامل مع قفازات وقناع تحت النقاب علشان كذا صعب القبض عليه وله في عملية الاجرام35 سنه)

موسى:لا والله للاسف مالقيناه بس وضعنا تحذير في الجرايد والمجلات بأسم الرجل بصورة المراءه
وانا عن نفسي ياسعادة الرئيس عرفت مين الي قتل الشاب المنتحر علي

سعود التفت بسررعه وبفزع

موسى لاحظ بس مابين
الرئيس:حلو طيب وينه ووش اسمه

سعود:الى الان ماعرفنا وين مكانه بس اسمه ماجد وجرائمه كثيرره

سعود بصوت مبحوح:بس علي منتحر والسلطات اثبتت كذا

موسى:كلنا خطاؤن بس مايصير احد يخطي ويترك الشئ الي اخطأ فيه لازم نثبت ونطلع الجذور والاساس

سعود تلون وجهه:ايه صح

موسى استانس انه غلب سعود استانس بعد ان شكه في محله والدليل ارتباك سعود الصامد


طول اليوم مانام عبدالله يفكر بمها يفكر بحجم القساوه الي يعاملها وبحجم الغيط يقاسيها وبحجم العداوه يذبحها بكلماته الجارحه القاسيه
لطفله عمرها 18 سنه
مسكينه مها طول عمري احس انها مسترجله بجد انا غبي كيف افكر بذا التفكير غلط هالمسكينه انها حبتني بس آآآآآآآآخ يارب
اشفها يااااااااااااااااارب